Google ADS

E lindi në moshë të re vajzën dhe e rriti e vetme, Eli Fara rrëqeth: Isha 35 vjeçe kur Marina ishte 17 vjeçe

23:06 | 4 Janar 2023
E.H

Këngëtarja Eli Fara ka folur për marrëdhënien e ngushtë që ka me të bijën.

E ftuar në programin “Dola te Ola” në televizonin News24, Fara tregoi se është bërë nënë kur ka qenë 18 vjeçe dhe se asokohe nuk e kuptonte gjithçka ndodhte duke qenë se ishte shumë e re për të marrë përgjegjësitë që kërkon një fëmijë.

“Kur Marina ishte 17 vjeçe u bëra më e përgjegjshme dhe isha 35 vjeçe”, tha ajo.

Këngëtarja rrëfeu se tani që ajo është rritur e sheh të bijën me një peng në zemër pasi për shkak të punës nuk ka mundur t’i qëndrojë pranë aq sa ajo do të kishte dashur.

Në studio u shfaq një videomesazh nga Marina dhe këngëtarja u prek.

“Të dua shumë, je krenaria ime, dashuria ime më e madhe. Je motivi që më shtyn të eci përpara, je shembulli më i mirë që një fëmijë mund të ketë në jetë. Të uroj të kesh jetë të gjatë dhe të bukur ashtu si ti je brenda dhe jashtë. Të dua pafund”, u shpreh ajo.

Shpërndaje në rrjete sociale

Lajmet më të lexuara

Të ngjashme

Foto lajm